يبسمه انته
وشفايفنه عتك بيهه البجي من يومنه لسّه
ويفرحه انته
وحزنّه اتلوووووووووول يتفلش لوَن صفناتنه اتجسّه
يكلشي انته
المضه والجاي والهسّه
يزود الزود يالحجّاي وحلوك الزلم خرسه
يضاحك والسيوف افياي فوكك والحرب شرسه
معلّم والزمن تلميذ عندك يحفض ابدرسه
شريد اذكر*** شريد انسه
علم
مولاي انته الباب
شرف
بيك الشرف ما غاب
شجاعه
الما شهد بيهه منافق حاسد وجذّاب
علي بسمك هتف جبريل يدوي بكل اذن حسّه
علي والضدّك وعاداك
خل يسأل ابوه امنين ويراجع اصّل رسّه
علي من جاه طير الحوم من لحم الزند عسّه
علي الما لمته سوالف ولا واصف وصف نفسه
علي الايه
علي الثايه
علي للكون تجّايه
علي كلشي
علي بيه الفلك يمشي
علي بسمه
علي نسمه
علي منّه الشمس تخجل اذا يوم افتره ضرسه
******************************
علي الانسان
والانسان شحيح اليوم بالساحه
علي النهران من تعطش يرويهه دمه اجراحه
طلج مامش ولا خيّال
بس شخصك يداحي الباب خيّال اعتله فرسه
********************************
هذاك انته يبو الحسنين
واحنه اسمع سوالفنه
علي منهه الثلج يعرك اذا بيهه حجينه ويوم سولفنه
تطشرنه
تشتتنه
تفرقنه
وأذا واحد حجه الواقع تلفّه 18 محنه
علي أرد اشتكي عندك
علي أرد اشتكي عندك
ربعنه تريد كلهه اتسوق كلمن يعرض ابفنّه
علي بالغربه متفرقين جا شنهي اليجمعنّه
علي ما تنهض ابسيفك تخلصنه
الرئيسية 
التسجيل 
دخول 
الخميس سبتمبر 13, 2007 5:16 am