..الجزيرة ما فتأت تبث من على شاشتها اشرطة الكراهية والتخلّف لأناس شريرين آلوا على انفسهم تدمير الحياة وربط الانسان بعجلة القرون الوسطى..ديدن الجزيرة هو بث تسجيلات التدمير والاجرام من الجحور والكهوف المظلمه،مثلما مافعلته مع صدام التكريتي وما تفعله مع رموز الظلام ألآخرين كأبن لادن والظواهري والملا دادا الله وغيرهم من امراء الارهاب ودادات الله.. هذه القناةٍ لم تكلّف نفسها يوما ما لبث جوانب مشرقة من حياة البشر وابداعات العلماء وصانعي الخير والتطور،كونها لم تجد نفسها معنيّه بذلك ولايقع ضمن رسالتها..فلاغرابة ان نجدها دأبت على اسماعنا اصوات المحرضين على القتل والطائفية من ظلاميي القرن 21 والتي لم تخرج من تحت الشمس ،بل تأتي بها الجزيرة عادة من الكهوف والجحور التوروبوريه..اذن ،فهي في سبق إعلامي شاذ وغريب على طول الخط،فهنيئا لها..اقسم بألله "وكسرالهاء"ليس لدي عتاب على هكذا "منبراعلامي؟" موتور،بقدرعتبي على دعاة وحدة الامة ومتبني الوسطية وإعتدال الخطاب في دولة قطر،التي تبث منها المذكورة وتحصل على دعمها..ورغم ان الجزيرة قد احرجت القطريين لأكثر من مّرة وفي اكثر من موقف إّلا ان حكومة قطر تصّر على تبني ودعم هذا الكيان الاعلامي المشبوه..اي نعم،الجزيرة لاتتبنى مبدأ نظيف فحواه ان الخبر مقدس والتعليق حر،بل تفبرك الخبر وتصوغ التعليق المنحاز والمحرّض..
ابومطشّر: بويه هاي الحسبه تريدلهه صفنه،وآنه واحد من الناس تره هاي الجزيره شلعت ثوه ثواي،من حيث من يومهه وسبع ايامها حاطه كورها وكور العراقيين وماخلّت شي يعتب على شي..ومن حيث جانت اتذيع شرايط ابن صبحه،آنه عرفتهه يلنهه تريد بينه الشر..وحكهم،حكهم..محّد يلومهم من حيث الدوالير الخضر بعد ما ولّهٍ ابن صبحه ضاعت عليهم..بس كل مكصدي يلن اعتب على زليمات الحكومه بغطر،اشمالهم ساجتين شنهو معناتهه وشتقريب إنفسّرههٍ؟اشسوينالهم من مذّرّه احنه يالعراقٍيين؟؟..بس عين باجر،لازم حكومتنه تاخذ بثارنه وتكلهم: بويه يالغطريين تره ماعون صبرنه انترس وتبّده،و يو احنه اخوتكم وتصيرون وي الحك وتوكفون وكفةٍ زلم ويّانهٍ وتسدون هاي الخيسه والعذربه العدكم، يو تره اودعناكم، وتنكطع علاقتنه وياكم وكلمن يروح بدربه..ومن كثر دوختي بهالحسبه وحركت كلبي،ٍسويت غصيده هاي الغصيده ولو آنه موش" شاعر الجمهور" بس اسمعهه بروح السيّد وخلهه ربّاط الحجي..
جاليش يادولة غطر.. ؟؟
يكدر الانسان يمشي وبسرعه يوكف يوعثر..
يسلك طريج العدل ويبتعد عن المهاوي والحفر
ولسانه يوزل وغلط بالوكت يكدر يعتذر
ويو رجله زلت وي اللسان يحتاجله صحوة فكر
هواي عدنه امثله وهوايه عدنه من الصّور
مرّه يحجي بالعروبه تلكاه قومي للكشر..
يذبح ويصلخ ويحرّض وبالدم خلاّهه نهر
ومرّه باسم الدين يحكم وبأمره هوّه يأتمر
ونيشانه مطوّل لحيته ودشداشته تنكص شبر
ويكفّر ويذبح بكيفه، سجّينه بيده يوطبر..
لوراد يذبح جعفري يتشفّه بيه ويفتخر
المسيحي عنده كافر،والشيعي معيدي وراعي للبقر
مارايد احجي هالكلام،من حيث هوّه من الحنظل أمر
بس رايد اعتب عالعرب لازم يحسبونها بحذر
الغبره لازم تنجلي وكل غيمه تاليها المطر
وتره عراقنه عالأرهاب كرّبله يوم النصر
وارجع واعاتب واخص الحكومه بدولة غطر
اتمنه الشجاعه والشرف تنهض وتطرد هالبؤر
وأختم واثنّي بالعتب، بالذات إعله دولة قطر
ضاع الوفه والمعروف؟؟ جاليش يادولة غطر؟؟
الرئيسية 
التسجيل 
دخول 
الجمعة سبتمبر 07, 2007 10:56 pm