اليوم يومك يا عراق

عدد الرسائل : 210 تاريخ التسجيل : 26/05/2007

اليوم يومك يا عراق
أصحى أصحى يا عراق
خل نشد حزام كلنا
نداوي جرحك يا وطنه
نتحد و نحب بعضنا
شعدنا غير أسم العراق

اليوم يومك يا عراق

آني أبن أقدم حضاره
خل يفهمون العباره
الگلب مشتعله ناره
شلون تطفى يا عراق

اليوم يومك يا عراق

دجله يصرخ يا أخوتي
كلهم يريدون موتي
راح أگول بعالي صوتي
تبقى عالي يا عراق

اليوم يومك يا عراق

يا شرع يا دين يقبل
العراق يكون محتل
شعبي يوميه يتكتل
شلون ساكت يا عراق

اليوم يومك يا عراق

يا محنتك يا بلادي
فرحت كل الأعادي
تكاتفت سود الأيادي
على تدمير العراق

اليوم يومك يا عراق

اليسوى و المايسوى صار
يكتل ويحرك بنار
بسكم وكافي دمار
بيك حوبه يا عراق

اليوم يومك يا عراق

شوفوا بغداد الجميله
أدمرت هاي الأصيله
گوم مو صارت طويله
يأبو الهمه يا عراق

اليوم يومك يا عراق

العراقي كله غيره
ما يظل عايش بحيره
الوطن منهوب خيره
ليش ساكت يا عراق

اليوم يومك يا عراق

القتل صاير عالهويه
ليش هاي الطائفيه
نريد همه حيدريه
گوم وأنهض يا عراق

اليوم يومك يا عراق

آني شيعي و آني سني
آني لأجل بلادي أغني
العراق الي يهمني
وحدك أنت يا عراق

اليوم يومك يا عراق

النخل و الجبل باقي
و العزيمه بشد نطاقي
أبقى ذاك آني العراق
جزء من كل العراق

اليوم يومك يا عراق
---