مايوم روض الوفى من الورود احمد
للمشى بخير وسعى لازم علي احمد
حبي ودادي لنبينا المصطفى احمد
دايم يضل متصل يارب يشهد علي
خل يكصي بيه الزمن ويزيد ضيمه علي
ماعوف حب الوصي وابكه بولايه علي
يستان حيدر زهى هاك انظر الزهره
والي يذبلي زهر ماهم انه لزهره
للموت اصيح بحزن مظلومه يالزهره
حب الزجيه عمل مايصح مثله حسن
وعروكي ماي الوفى من نهر ودها حسن
وعد يامره منولد مثل الامام الحسن
الحنظل بودهم عسل بشفافي بيه لحسين
بحب ال طه ارتقي من احسن ال احسين
انياله كلمن صبح خادم صدك لحسين
الي يضدهم هلك لو عمره ضل سجاد
الشيعتهم انه افرشت جفن النظر سجاد
ومنك خذيت الصبر ياسيدي السجاد
بصبر العليل اعترف وك يازمن باقر
عود الصبح للعلم بين الملا باقر
ارسل سلامه النبي لمحمد الباقر
اهل الذكر نهجهم اخذه وعليه صادق
ماعدهم ابدا زلل كل قولهم صادق
جعفري انه وهلي وامامي الصادق
خل يبرد بشفرته دهري ويحد موسه
عاشق وعكلي شرك جن العشك موسه
لحاجتك يامن ردت صد وجهك لموسه
كلمن كصد حظرته بالخير رد والرضى
نسحك بعظمه اليضد ونكسره ونرضى
بالكاظم انه اقسمت ياسامعي والرضى
ودهم لروحي درع وبيه المخاطر تقي
والبايع ال النبي محسوب هذا تقي
يامذهب ايمامهم كلي جواد وتقي
مذهب الشيعه الصبح للغانمه هادي
للشيعه عمري نذر وبلا ثمن هادي
عاشر انوار الهدى من فاطمه الهادي
عسكر بصدري الشعر ماينهزم عسكري
جندي لبني فاطمه واكضي العمر عسكري
لمن يهل بالنصر ابنك يهل العسكري
المتسمي بسم النبي مهدي الامم احمد
الرئيسية 
التسجيل 
دخول 
الخميس أغسطس 30, 2007 9:50 pm