اجيتك والكلب لهفان شايل غيض بكتاري
واجيت امفخخ الدلال واجيت بحركتي وناري
انه المكتول ابوه وماينام الليل جايك واطلب بثاري
وعمت عيني امن اكلك اه وانه ادريك جزاري
انه اعرك وكلي مستحه امن اجيبك والله بالطاري
واهين انه القصيدة من اجيب اسمك ووسخ دفتر اشعاري
نذل لنك نذل ياحارث الضاري
وانه ماخاف تكتلني واذا رايد رقم داري
من اموت الناس تحزلي ويسويلي الوكت وك نصب تذكاري
وهي اشخلفت ريمة بكلب ساري
انه المادورت وياك وقاسمتك لكمتي وكتلك هاك انطيتك وزارات تتمرجح علي
هيج الوكت خلاك عجيبة تخون واني لعشرتك شاري
تلم حقدك امن امس لليوم تطلبني ابدر ثاري
شوصفكوك قليل بحقك امن احجي يلمجاري ابن المجاري
حداد وشجب واستنكار والماتو ثلاثة وانه موتي بالجملة
انفجار الحلة والموصل ومطعم حبايبنه ولايوم الجبتني ولك بالطاري
اذن انته المخطط ضاري والارهاب ويالوح الخشب والشاك منشاري
الشاعر عريان السيد خلف
الرئيسية 
التسجيل 
دخول 
الخميس أغسطس 23, 2007 12:28 am