عُّودِت روحي.....
على النسيان لاكنّهه عنيده
وفجَت هموّمي وتدُّور عالتريده
وطافَت بلِيل العشِگ روحي …
ولوّاهه الشوك بيدة
وبالعشِگ كلِّش عنيده
رسمت اشطوط بدمعّهه
وضوَّة الليل بشمعهه
وبيَّن الشوگ بطبعهَه
وهذا طبع الروح بطيوف المحنَّه
تساير دروب المحبَّه
وتنشِتل وردة قرُنفل
ليهه كل مشتاگ لأحبابة إِيتعنَّه
…………
روحي...
سبّاحَة وفه وعاشَت على طِواري العشگ
روحي…
بردية شتَّه ومسامر إِحديثات
ومعانَگ ليالي الگمر والنجمات
روحي…
السچَه والريل الحبيب الطوَل الجيّات
روحي طيور وترفرِف عالوُلايات
روحي
بشهگة الوردات
روحي
النفس للصفنات
روحي
المسِچ والهيلات
روحي
الهور والگصبات
روحي
الجبل والنخلات
روحي…
اليل صارت والوطن شمعات
………
ونلچمَت بغربتهه مثل عطشان
يركض عالسراب وظنَّه لصفة ماي
ويفز من حلم چذاب
وبخيبة أمل ينصاب
ويِرِد يفتر الدولاب
لا.. طيف أوتجي الاحباب
لا.. صحوّة اوتدك الباب
هلبَت ما تصل أخبار ؟
لا.. جنَّه شفت لا.. نار
لا.. شوگ اليٌّمر طارِيّه لا..خطّار
لا..چلمة وعد .. لا دمعه ..لا تذكار
لا.. لمَّة شمِل وتبرِد الاشواگ
مو وّنَت الروح بنص شته العشاگ
……
وتحن ألاهلهه وماهدَت مرَه
وشتاگت لعند الخُبزة والتمرة
وتنام اعلى فيَّ ِالتين والسِدرة
ومسامَر حَمد والرِيل والسمرة
ويعانگ هواهَهَ (الخارطة الخضرة)
……
هاي روحي المانست أبداً هواهَهَ
وطافَت اتدُّور دواهَهَ
وايَّسِت من كل شفاهَهَ
وما أظِن روحي تهيد
والحبيب شگد بعيد
وضلَّت بحزن اليتيمة
المامسح دمعتهه عيد
لا..فرح يندل ثغرهَه
ولا.. كمر يِضوِي اويسرهَه
ولا.. نده الغُبشه يمرهه
روحي عالميمر حزنهَه
وتركص الناظر يظنهَه
وهيه مذبوحه اوترفرف
والذبحهَه الشوگ والسجينه بيده
وبالذبح كلِّش عنيده
الرئيسية 
التسجيل 
دخول 
الخميس أغسطس 23, 2007 12:19 am