iمجموعة من الدارميات الحسينية الجميلة ::
طيـر ويـريد جنـاح ماتكـفي جنحـين
هـيج الـكــلب ملـهوف لزيارة حسـين
بيـن الحسـين وبيـن حضرة العـباس
روحي ترد وتـروح ضلت يهالناس
لو مانهوض حسين وكـطعت الجفين
جـان أنطوه وجا مات كل ذكر للدين
كـلبي أنفطر ياناس وأنجسم نصين
نص كله لأهل البيت والثاني لحسين
للخوه مفخر صار قدوه لهالناس
غيره وشرف وأيمان من مثل عباس
عاف العرس والكيف جاسم تمنه
ينصر ابو السجاد بالدم تحنه
ارد انشد انه الناس اليمي وبعيده
عبدالله يرضع ليش كـَطعوا وريده
كون الحسين وياه طالب ومطلوب
عبدالله يرضع ليش بالسهم مصيوب
حسين أصيح حسين من زغري يحسين
ساكن أبلب أحشاي ما شافـتـك عــيــن
أنت السمع والشوف واحساسي بالكون
خليهه كل الناس رافض يكَولــــــون
كـون الوكت ينعاد ولصحنك أنعود
نحـلـف يبو السجاد منعـوفك اردود
يـا كـلبي رف وطـير وديني لحسـين
اغسـل ذنوبي هناك وي دمعة العـين
كل المـلك هاليوم فـوگ الوطـيه
خـدام اجت لحسـين ابن الزچـيه
أذراعـك وي حسين حطه بذراعـه
مـيـخيـبك بيه يوم ترجه الشفـاعـه
حسـين الـدرب للفـوز بالك تعـوفه
بيـوم الحسـاب وياك باچـر تشـوفه
أفرح وي أهل البيت يا ﮔلبي وذوب
وأغسل بحبهم ﮔـوم شما عنـدك ذنوب
أفرح يـﮔلبي اليوم وك بطّل النوح
مولد الزهره اليوم خل تفرح الروح
كل دﮔـه بالـدلال صاحت يزهره
الفرح هـذا اليوم اصـبح اشـكـبره
للزهره هذا اليوم يطرب لساني
وللشيعه بالأفـراح زف التـهـانـي
مبروك الف مبروك ليكم يشيعه
انولــدت بهالـيوم الــكم شـفـيعـه
للخوه مفخر صار قدوه لهالناس
غيره وشرف وأيمان من مثل عباس
الرئيسية 
التسجيل 
دخول 
الخميس يوليو 19, 2007 9:27 pm